Maannali Inatsisartuni ilaasortaq, Kuno Fencker (S), nammineq umiarsuaatileqatigiiffimmi Royal Arctic Linemi siulersuisunut siulittaasututut inissisimanikuusoq piumasaqarpoq paasissutissanik eqqortunik Naalakkersuisut saqqummiussissasut aammalu imarsiornermik ilinniarfik pillugu qanoq pilersaaruteqartoqarnersoq saqqummiussisoqassasoq.

Taanna Naalakkersuisunut apeqqutinik tigussaasunik arlalissuarnik akisassiivoq. Ilaatigut innersuussutigaa imarsiornermi oqaatsit atorneqartut nunatsinni imarsiortut piginnaasaqarfigilluarneraat, imarsiornermimi nunarsuaq tamakkerlugu tuluttut oqalunneq atugaammat, taamatuttaaq paaserusuppaa umiarsuarni atortorissaarutit nutaaliat umiarsuillu aquttarfiini atugaallualereersut nunaqavissunit piginnaasaqarfigineqarnerat qanoq pitsaatiginersoq paasisaqarfigerusuppaa, apeqquteqartullu makku erseqqissaatigai:

• Umiartornerup nunarsuaq tamakkerlugu ilusilersorneqarnera: Umiartornermik inuussutissarsiuteqarneq nunarsuaq tamakkerlugu atuuppoq, tuluttullu oqaatsit umiarsuarmi inuttat atugannaarivaat, umiarsualiviit aqutsisui allallu umiarsuit akornanni attaveqatigiinnermi tamani aamma oqaatsit taakku atorneqartarlutik. Taamaattumik tuluttut oqaatsitigut piginnaasat pitsaasut umiarsuarmi isumannaallisaanermut aamma attaveqatigiinnermut naammaginartumik piginissaat pingaaruteqarput.
• Maleruagassat aamma assigiiaarinerit: Nunarsuaq tamakkerlugu umiartornermut suliniaqatigiiffiit aamma oqartussat umiarsuarmi inuttat oqaatsitigut piginnaasaannut maleruagassanik piumasaqaatinillu aalajangersaapput, isumannaallisaanermut aamma attaveqaqatigiinnermut malittarisassat malinneqarnissaannik qulakkeerinninniarlutik.
• Teknologiip ineriartornera: Teknologip ineriartornera umiarsuarmi atortunik aamma attaveqatigiinnermi systeminik siuarsaasumik kinguneqarpoq, tamatumalu pisariaqartippaa umiarsuarmi inuttat taakkununnga atortunik passussinermik aamma attaveqatigiinnermi piginnaasat pisariaqartut pigissagaat.

- Umiartornermik suliffeqarfinni unammillernartuni suliffissaqartitsiniarnermi aamma suliffeqarfinni atorfinitsitsiniarnermi unammillernartumi sakkortuumik inissisimalluni, pingaaruteqarpoq umiartortut aamma umiarsuarmi inuttat oqaatsitigut, pingaartumik tuluttut, piginnaasaasa qaffassarneqarnissaat.

- Tamanna ilanngullugu ilinniartitaanerit, oqaatsitigut pikkorissarnerit aamma nammineerluni ilinniagaqarneq ilanngullugit pisinnaavoq, taamaalilluni umiartornermi sulialinnut piumasaqaatit assigiiaarneqarsimasut naammassisinnaaqqullugit. Ilinniagaqarnerup aamma oqaatsitigut piginnaasat qaffassarneqarnissaannik pitsanngorsaaneq umiarsuarmi inuttap suliffissarsinissamut periarfissaanut inuttullu ineriartorneranut iluaqutaasinnaavoq, Kuno Fenger (S) apeqqutini pillugit tunngavilersuivoq.