Akuerineqarsinnaasup killissaanut aqqut
Immikkut ilisimasalik naapertorlugu Københavnimi maannakkut ataatsimik »ernumassuteqalaartoqarpoq«.
Københavnimi Nuummit periusissiaq nutaaq kusanartoq tiguneqarmat eqqissiallattoqartussaagaluarpoq. Ukiorpassuarnimi naalakkersuisut pilersaarut taanna Kunngeqarfimmit issittumut periusissiami ataatsimoortumi nutaami ilanngunneqarnissaanut tapersiissutaasutut qinnutigisimavaat.
Suliaq taanna naalagaaffeqatigiinni siuariartorsimanngilaq, nunat allat nunap immikkoortuaniittut – Issittumiillu ungasissorsuarmiittut – periusissiaminnik nutarterisimasut.
Aviisi AG taama allappoq.
Sapaatip-akunneri pingasut matuma siorna Københavnimi Issittumi isumannaallisaanermut politikki oqallisigineqarpoq, tassanilu Kalaallit Nunaat ’filibusterimik’ taaneqarpoq. ’Filibuster’ tassaavoq Amerikamiut oqaasiat politikerit naalasseriitsut politikkikkut ingerlatseqqinnissamik kinguarsaajumallutik akornusersuiniarlutilluunniit oqalugiartuartut.
- Kalaallit Nunaannut periusissaq nutaaq Danmarkimi politikkikkut qanoq isumaqarfigineraat takorloorpiuk?
- Isumaqarpunga naammagisimaarneqartoq maannakkut aalajangersimasumik isummerfissaqarmat. Imarisai tupaallaatiginngilluinnarpaat. Tamakku sivisuumik oqallisigineqartarsimapput, Kalaallit Nunaatalu nammineerluni periusissiornissaa akornuserneqarsinnaanngilaq. Savalimmiut aamma taamaaliorsimavoq, Rasmus Leander Nielsen, Ilisimatusarfimmi nunanut allanut sillimaniarnermullu politikkimut pisortaq akivoq.
Aviisimi AG-mi atuarnerusinnaavutit. Aviisi uani pissarsiariuk:
